Eronda grippdan 13 kishi hayotdan ko‘z yumdi
Eronda gripp bilan bog‘liq vaziyat jiddiylashmoqda. Bu haqda Zamin.uz xabar berdi.
Xususan, Yezd viloyatida yil boshidan buyon 1 100 dan ortiq kishida ushbu virus aniqlangan. Rasmiy ma’lumotlarga ko‘ra, kasallik oqibatida 13 nafar fuqaro hayotdan ko‘z yumgan.
Vafot etganlarning aksariyati yoshi ulug‘ insonlar va surunkali xastaliklardan aziyat chekkanlar ekani ma’lum qilindi. Tibbiyot vakillarining xabar berishicha, o‘lim holatlaridan olti nafari yoz oylarida, qolgan yettitasi esa so‘nggi haftalarda qayd etilgan.
Shifokorlar grippning oldini olish uchun ehtiyot choralarini ko‘rishni va kasallik alomatlari sezilganda darhol tibbiy yordamga murojaat qilishni tavsiya etmoqda. Mutaxassislar, shuningdek, o‘zini o‘zi davolashdan voz kechishga va shifokor ko‘rsatmalariga amal qilishga chaqirmoqda.
