Rossiya AQShning yangi xavfsizlik strategiyasini ijobiy baholadi
Rossiya AQSh tomonidan Donald Tramp ma’muriyati tomonidan e’lon qilingan yangi Milliy xavfsizlik strategiyasini o‘z qarashlariga asosan mos deb baholadi. Bu haqda Zamin.uz xabar berdi.
Ushbu hujjatda Rossiya tahdid sifatida ko‘rsatilmagan, biroq Yevropa “sivilizatsion xavf” ostida ekani qayd etilgan. Strategiyada xorijiy ta’sirlarga qarshi kurash, migratsiyani nazorat qilish va Yevropa Ittifoqida so‘z erkinligini himoya qilish asosiy vazifalar sifatida belgilangan.
Kreml vakili Dmitriy Peskov ushbu hujjatni ijobiy baholadi, ammo uning to‘liq tahlilidan keyingina yakuniy xulosa chiqarilishini ma’lum qildi. Strategiya Rossiyaga nisbatan nisbatan yumshoq tilda yozilgani e’tiborga molik, bu esa Yevropa rasmiylarining xavotiriga sabab bo‘lmoqda.
Hujjatda, shuningdek, AQSh Yevropa bilan barqarorlikni tiklash va urushni tugatish bo‘yicha sa’y-harakatlarni davom ettirish zaruriyatini ta’kidlagan. Strategiyada Yevropadagi “milliy ruhni tiklash” va siyosiy partiyalarni qo‘llab-quvvatlash masalalari ham ko‘tarilgan.
Unda Yevropaning kelajakda tanib bo‘lmas holga kelishi mumkinligi, iqtisodiy muammolar esa sivilizatsion xavf oldida ikkinchi darajali ahamiyatga ega ekanligi aytilgan. AQSh Yevropa mamlakatlarini ruhiy tiklanishga ko‘maklashishga chaqirgan.
Hujjatda “Amerika birinchi” siyosati alohida ta’kidlangan. Unda Karib dengizi va Sharqiy Tinch okeanida giyohvand moddalar kontrabandasi bilan kurashish, shuningdek, Venesuelada ehtimoliy harbiy harakatlarni ko‘rib chiqish masalalari ko‘tarilgan.
Yaponiya, Janubiy Koreya, Avstraliya va Tayvandagi mudofaa xarajatlarini oshirish zaruriyati ham belgilangan. Shu bilan birga, AQShdagi demokratlar ushbu strategiyaning xalqaro aloqalarga salbiy ta’sir ko‘rsatishi mumkinligini ta’kidlashgan.
