Amerikalik yigit boshidan kechirgan noodatiy voqeani Reddit platformasida bo‘lishdi. Bu haqda Zamin.uz xabar berdi.
Unga ko‘ra, yigit Xitoyning so‘nggi imperatori Pu I bilan qarindoshlik rishtalariga ega bo‘lgan oilaga tasodifan "qadam qo‘ygan". Barchasi uning Amerikada tibbiyot universitetida ta'lim olayotgan xitoylik talaba qizga uylanishi bilan boshlanadi.
To‘yga bir necha kun qolganda, kelinning ona tomonidagi buvisi so‘nggi imperator Pu I ning tug‘ishgan singlisi bo‘lgani ma’lum bo‘ladi. Yigitning so‘zlariga ko‘ra, unashtiruvgacha qizning oilaviy tarixi haqida hech narsa bilmagan.
Ular 2000-yillardan beri tanish bo‘lib, qiz aksentsiz gapirar va oilasi haqida oddiy gapirardi. Qizning aytishicha, onasi professor, otasi esa Shanxayda yirik korporatsiya rahbari bo‘lgan.
Ammo oilaning chuqur tarixi haqida u hech qachon ochiq gapirmagan. Biroq bu shohona naslga mansublik qizga hech qanday moddiy imtiyoz olib kelmagan.
Aksincha, 1970-yillarda uning otasi qashshoqlikda yashagan. Kelinning oilasi tarixiy meros sifatida bir nechta ashyolarni asrab qolgan: nasl-nasabni tasdiqlovchi hujjatlar, kontrabanda yo‘li bilan saqlangan nefrit tumor, XXR hukumatining reabilitatsiya hujjati, oilaviy xattotlik cho‘tkalari va saroy uslubidagi oshpazlik kitobi.
Qizning aytishicha, u o‘z nasli haqida ko‘z-ko‘z qilish taqiqlangan muhitda o‘sgan. Hozirda juftlik Nyu-York shahrida yashab, uch farzandni tarbiyalamoqda.
Amerikalik kuyov bu holatni "hayotdagi eng kutilmagan burilishlardan biri" deb ataydi.
