Myanmada qullikka tushgan fuqarolar vatanga qaytarildi
O‘zbekiston va Qozog‘iston bosh konsulliklari odam savdosi qurboni bo‘lgan fuqarolarni vatanga qaytarishda yordam ko‘rsatdi. Bu haqda Zamin.uz xabar berdi.
Bu haqda “Dunyo” axborot agentligi xabar berdi. Shuningdek, qirg‘izistonlik bir nafar fuqaro ham Bishkekning iltimosiga asosan vatanga qaytarildi.
Jabrlanganlarning aytishicha, ular Tailandga yuqori maoshli ish topish umidida borgan. Biroq, mamlakatga yetib borgach, noqonuniy ravishda Myanmaga olib o‘tilgan va aldov yo‘li bilan ishlaydigan qo‘ng‘iroq markazlarida majburiy mehnatga jalb qilingan.
Qutqarilgan fuqarolar vaqtinchalik boshpana va oziq-ovqat bilan ta’minlandi. Dekabr oyining boshida esa ular o‘z yurtlariga qaytarildi.
O‘zbekiston bosh konsulligi fuqarolarga xorijda ish takliflarini sinchiklab o‘rganish zarurligini eslatmoqda. Shuningdek, konsullik Tailand, Kambodja, Myanma va Laosdagi mehnat masalalari bo‘yicha yordam ko‘rsatishga tayyor ekanini ma’lum qildi.
Ma’lumotlarga ko‘ra, bu Markaziy Osiyo fuqarolarini Myanmadagi mehnat qulligidan qutqarish bo‘yicha birinchi holat emas. Bungacha ham O‘zbekiston, Qirg‘iziston va Qozog‘iston fuqarolari uylariga qaytarilgan.
