Putin ikki bolaning Yangi yil orzusini ro‘yobga chiqardi
Rossiya prezidenti Vladimir Putin Yangi yil bayrami arafasida ikki bolaning orzusini ro‘yobga chiqardi. Bu haqda Zamin.uz xabar berdi.
Bu haqda “Rossiya-24” telekanali xabar berdi. Xabarga ko‘ra, davlat rahbariga mamlakatning turli hududlaridan bolalar o‘z orzulari haqida maktublar yo‘llagan.
Ularning ichidan ikki bolaning istaklari shaxsan prezident tomonidan amalga oshirilgan. Jumladan, 11 yoshli Vladimir ismli bola dzyudo bilan shug‘ullanadi va u prezidentdan ko‘k rangli kimono so‘ragan.
Yangi yil oldidan uning orzusi amalga oshirilib, unga sport kimonosi sovg‘a qilindi. Shuningdek, Oltoy o‘lkasida yashovchi Yogor ismli bolaga ham unutilmas sovg‘a tayyorlandi.
U kichik samolyotda parvoz qilishni orzu qilgan edi. Ushbu tilak ham amalga oshirilib, Yogor o‘zining birinchi parvozini amalga oshirdi.
Ma’lum qilinishicha, Vladimir Putinning navbatdagi jonli muloqoti 19-dekabr kuni o‘tkaziladi. Unda fuqarolarning turli savollari va murojaatlari ko‘rib chiqilishi rejalashtirilgan.
