Sidney shahrida yuz bergan terrorchilik hujumi chog‘ida jasorat ko‘rsatgan suriyalik qochqin Ahmad al-Ahmad butun dunyo e’tiborini o‘ziga qaratdi. Bu haqda Zamin.uz xabar berdi.
Ushbu voqeadan so‘ng, minglab insonlar uning qahramonligini qadrlab, moliyaviy yordam ko‘rsatishdi. Natijada, xayriya aksiyasi orqali 2,5 million dollardan ortiq mablag‘ yig‘ildi.
Ma’lumotlarga ko‘ra, 14-dekabr kuni Bondi plyajida qurollangan shaxslar tomonidan uyushtirilgan hujumda Ahmad al-Ahmad ulardan birini zararsizlantirishga muvaffaq bo‘lgan. U bu jarayonda o‘zi ham jarohat olgan va hozirda shifoxonada davolanmoqda.
Ahmadning ushbu jasorati tufayli katta fojianing oldi olindi. Xayriya aksiyasi taniqli bloger Zakeri Dereniovski tashabbusi bilan tashkil etilgan bo‘lib, unda 43 mingdan ortiq inson ishtirok etdi.
Bloger mablag‘ to‘liq yig‘ilib, Ahmadga yetkazilganini e’lon qildi. Avstraliya Bosh vaziri Entoni Albanese ham Ahmadning bu qilmishini yuksak baholab, uning harakatlarini jamiyat uchun ibrat ekanini ta’kidladi.
Ahmad al-Ahmadning bu qahramonligi nafaqat Avstraliyada, balki butun dunyoda insoniylik va hamjihatlik tamoyillari hali ham saqlanib qolganini yana bir bor isbotladi.
