Saudiya Arabistonidan kelgan sarmoyadorlar konsorsiumi va AQShning yirik xususiy investitsiya fondlari dunyoga mashhur videoo‘yinlar ishlab chiqaruvchi Electronic Arts (EA) kompaniyasini sotib olish bo‘yicha kelishuvga erishdi. Bu haqda Zamin.uz xabar berdi.
Bu haqda Bloomberg nashri xabar berdi. Ma’lumotlarga ko‘ra, investorlar orasida AQSh sobiq prezidenti Donald Trampning kuyovi Jared Kushner ham bor.
Bitim kompaniya aksiyadorlari tomonidan ma’qullangan bo‘lib, uning umumiy qiymati 55 milliard dollarga teng. Ushbu kelishuv so‘nggi yillardagi eng yirik texnologik bitimlardan biri sifatida baholanmoqda.
Bloombergning ta’kidlashicha, EA kompaniyasining xususiylashtirilishi korxona uchun yangi imkoniyatlar yaratadi. Endilikda ishlab chiquvchilar davlat bozorlari oldida hisobot berish majburiyatidan ozod bo‘ladi va o‘z e’tiborini o‘yin sifatini oshirish, ijodiy erkinlikni kengaytirish hamda uzoq muddatli loyihalarga qaratishi mumkin.
Electronic Arts 1982 yilda AQShda tashkil etilgan bo‘lib, bugungi kunda dunyodagi eng yirik videoo‘yin nashriyotchilaridan biri hisoblanadi. Kompaniya FIFA / EA Sports FC, The Sims, Battlefield va Apex Legends kabi o‘yin seriyalari orqali millionlab muxlislarning e’tiborini qozongan.
Shuningdek, EA Need for Speed, Command & Conquer va Strike kabi mashhur o‘yinlarni ham taqdim etgan. Kompaniya sport simulyatorlari, yuqori darajadagi (AAA) loyihalar va uzoq muddatli onlayn xizmatlar sohasida yetakchi o‘rinlardan birini egallab kelmoqda.
Mutaxassislarning fikricha, ushbu bitim EA kompaniyasining strategiyasini yanada takomillashtirishga va bozordagi mavqeini mustahkamlashga yordam beradi.
