Xitoyda kruiz-nazorat nosozligi 490 km xavf tug‘dirdi
Xitoyda haydovchi avtomobilining kruiz-nazorat tizimidagi nosozlik tufayli to‘rt soat davomida mashina ichida qolib ketdi. Bu haqda Zamin.uz xabar berdi.
Avtomobil soatiga 115 kilometr tezlikda to‘xtovsiz harakatlanib, 490 kilometr masofani bosib o‘tdi. Haydovchi tormoz tizimidan foydalanishga, uzatmani neytral holatga o‘tkazishga va kruiz-nazoratni o‘chirishga bir necha bor urinib ko‘rgan, ammo barcha harakatlari samarasiz bo‘lgan.
Bu haqda Shine nashri xabar berdi. Hodisa Lanchjou – Xaykou tezkor avtomagistralida sodir bo‘lgan.
Yo‘l patrul xizmati nosoz avtomobilni kuzatib, harakat xavfsizligini ta’minlash uchun yo‘lning bir qismini bo‘shatgan. Mashina faqat yonilg‘i tugagandan keyingina to‘xtagan.
Haydovchi voqeadan so‘ng avtomobil ishlab chiqaruvchisi bilan kelishuvga erishganini ma’lum qildi. Kompaniya avtomobil uchun to‘langan mablag‘ni to‘liq qaytarib berish va qo‘shimcha moliyaviy kompensatsiya to‘lashga rozi bo‘lgan.
Kompaniya nomi oshkor qilinmagan. Mazkur voqea zamonaviy texnologiyalar qulaylik yaratish bilan birga, texnik nosozliklar sabab inson hayoti uchun xavf tug‘dirishi mumkinligini yana bir bor ko‘rsatdi.
Shuning uchun avtomobil tizimlarining ishonchliligiga alohida e’tibor qaratish lozim.
