2025 yilda Dubaydagi Duty Free bojsiz savdo do‘konlarida eng ko‘p xarid qilingan mahsulotlardan biri Dubay shokoladi bo‘ldi. Bu haqda Zamin.uz xabar berdi.
Yil davomida sayohatchilar ushbu shirinlikdan 719 tonna sotib olishdi. Dubay shokoladi nafaqat mazali ta’mi, balki o‘ziga xosligi bilan ham sayyohlarning e’tiborini jalb qildi.
Ayniqsa, Patchi Pistachio Kunafa Bar shokolad batonchigi va Habibe Chocolate brendi mahsulotlari xaridorlar orasida katta talabga ega bo‘ldi. Qandolat mahsulotlari umumiy savdo hajmida 845,486 million dirham (taxminan 231,6 million dollar) daromad keltirdi.
Bu esa Dubai Duty Free’ning yillik daromadining 9,74 foizini tashkil etdi. Ushbu ko‘rsatkichlar Dubay Duty Free’ning rekord savdosi – 8,68 milliard dirham (2,3 milliard dollar)ga yetganini ko‘rsatadi.
Dubay shokoladi asosan pista va qadaif aralashmasidan tayyorlanadi va Birlashgan Arab Amirliklarida ishlab chiqariladi. Mahsulot 2021 yilda ishlab chiqarila boshlagan bo‘lsa-da, tez orada sayohatchilarning sevimli suveniriga aylandi.
Shuningdek, ushbu shokoladning mashhurligi ijtimoiy tarmoqlarda, ayniqsa TikTok platformasida ortib bordi. 2023 yilga kelib, shokolad haqidagi birinchi TikTok videosi 120 milliondan ortiq ko‘rilgan.
