2025 yilda aviahalokatlarda 418 kishi halok bo‘ldi
2025 yilda dunyo bo‘ylab fuqarolik aviatsiyasi sohasida sodir bo‘lgan aviahalokatlar natijasida jami 418 kishi halok bo‘ldi. Bu haqda Zamin.uz xabar berdi.
Bu haqda Germaniya aviatsiya sanoati ittifoqi AQShning Aviation Safety Network portaliga asoslanib ma’lumot berdi. Statistikaga ko‘ra, halok bo‘lganlarning 352 nafari yo‘lovchilar, 33 nafari ekipaj a’zolari va 33 nafari yerda bo‘lgan fuqarolardir.
Ushbu ko‘rsatkich 2024 yilga nisbatan o‘sgan bo‘lsa-da, 50 yil oldingi davrga qaraganda ancha past. Masalan, 1970-yillarda samolyotda halok bo‘lish ehtimoli 264 mingdan bir bo‘lsa, bugungi kunda bu ko‘rsatkich taxminan 1,5 milliondan birga teng.
2025 yilning eng yirik aviahalokati Hindistonning Ahmadobod shahrida sodir bo‘ldi. Air India aviakompaniyasiga tegishli Boeing 787-8 Dreamliner samolyoti halokatga uchradi.
Ushbu hodisa yil davomida eng ko‘p qurbonlar soni qayd etilgan fojea sifatida qayd etildi. Shunga qaramay, aviatsiya sohasida xavfsizlik darajasi yildan-yilga oshib bormoqda.
Zamonaviy texnologiyalar va ilg‘or xavfsizlik tizimlari yordamida samolyotda halok bo‘lish ehtimoli sezilarli darajada kamaygan. Shu bilan birga, yo‘lovchilar soni ham ortishda davom etmoqda.
2025 yilga kelib dunyo bo‘ylab samolyot yo‘lovchilari soni yiliga 4,7 milliard kishiga yetdi. Bu esa aviatsiya sanoatining jadal rivojlanayotganini ko‘rsatadi.
