Nigeriyada qayiq halokati: 25 kishi halok bo‘ldi
Nigeriyaning shimoli-sharqidagi Yobe shtatida qayiq halokati yuz berdi. Bu haqda Zamin.uz xabar berdi.
Hodisa natijasida kamida 25 kishi halok bo‘lib, 14 kishi bedarak yo‘qolgan. Qayiq Adiyani qishlog‘idan Garbi shahriga yo‘l olgan paytda suvda ag‘darilib ketgan.
Unda jami 52 nafar yo‘lovchi bo‘lgan. Hozirgacha 13 nafar yo‘lovchi tirik holda qutqarilgan, 25 kishining jasadi topilgan.
Bedarak yo‘qolganlarni qidirish ishlari davom etmoqda. Favqulodda xizmatlar va mahalliy ko‘ngillilar hodisa joyida izlanish ishlarini olib bormoqda.
Jigava shtati politsiyasi qayiqning suv oqishi tufayli ag‘darilganini ma’lum qilgan. Shuningdek, tungi safar qilish va yukni ortiqcha tashish qoidalari buzilgani ta’kidlangan.
Politsiya vakilining aytishicha, agar haydovchi tirik qolsa, beparvoligi uchun javobgarlikka tortilishi mumkin. Mahalliy aholi vakillari qayiq yo‘lovchilarining o‘z qishlog‘i va Yobe shahriga yo‘l olganini bildirgan.
Qayiqning belgilangan manzilga kechikishi yo‘lovchilar oilalarida xavotir uyg‘otgan. Nigeriyada qayiq halokatlari tez-tez uchrab turadi, bunga ko‘pincha xavfsizlik qoidalariga rioya qilinmasligi sabab bo‘ladi.
