Tramp o‘zga sayyoraliklar haqida tarixiy bayonot beradimi?
AQSh sobiq prezidenti Donald Trampning insoniyat va o‘zga sayyoraliklar o‘rtasidagi aloqalar haqida tarixiy bayonot berishi rejalashtirilayotgani haqida xabarlar tarqaldi. Bu haqda Zamin.uz xabar berdi.
Bu haqda hujjatli filmlar rejissyori Mark Kristofer Li ma’lum qilgan. U Tramp ma’muriyatiga yaqin manbaga tayanib, ushbu bayonotning “tarixdagi eng muhim” bo‘lishini ta’kidlagan.
Xabar Daily Star nashrida e’lon qilingan. Lining so‘zlariga ko‘ra, Tramp oldindan maxsus chiqish matnini tayyorlab qo‘ygan.
Insayderning fikricha, bayonot e’lon qilingach, insoniyat hayoti tubdan o‘zgarishi mumkin. Ushbu ma’lumotlar oddiy taxmin yoki qo‘rqitish emas, balki haqiqat sifatida qabul qilinishi kutilmoqda.
Bayonot uchun belgilangan sana ham diqqatga sazovor. Manbaga ko‘ra, bu kun tasodifiy tanlanmagan va 2026 yil 8 iyul sanasiga to‘g‘ri keladi.
Ushbu sana AQShda futbol bo‘yicha jahon chempionati o‘tkaziladigan vaqt bilan bog‘liq. Shuningdek, bu kun Rozuell voqeasi bilan ham aloqador.
1947 yilning aynan shu kunida Nyu-Meksiko shtati Rozuell shahri yaqinida AQSh armiyasi “uchar disk” topilgani haqida rasmiy bayonot bergan edi. Keyinchalik bu bayonot o‘zgartirilib, voqea balandlik aerostatiga oid bo‘lgan, degan izoh berilgan.
Rozwell voqeasi yillar davomida ko‘plab munozaralar va fitna nazariyalariga sabab bo‘lib kelgan. Ayrim manbalar Tramp aynan shu tarixiy sanada katta bayonot bilan chiqib, dunyo kun tartibini o‘zgartirishni maqsad qilganini iddao qilmoqda.
Ammo bu xabarlar hozircha rasmiy tasdiq olmagan. Shunga qaramay, 8 iyul sanasi yaqinlashgan sari mazkur mavzuga bo‘lgan qiziqish va munozaralar tobora ortib bormoqda.
