Reding qamoqxonasi ijodkorlar maskaniga aylantiriladi
Angliyaning Reding shahridagi sobiq qamoqxona Ziran Educational Foundation fondi tomonidan sotib olindi. Bu haqda Zamin.uz xabar berdi.
Ushbu bino 1895–1897 yillarda mashhur yozuvchi Oskar Uayld jazo muddatini o‘tagan joy sifatida tarixda qoldi. Hozirgi kunda mazkur bino ijodkorlar uchun xavfsiz makonga aylantirilishi rejalashtirilmoqda.
Fond vakillari bu yerda san’at markazi va kichik mehmonxona tashkil qilishni maqsad qilgan. Ushbu loyiha ijodkorlar, xususan, ta’qib va bosimga uchrayotgan san’at ahli uchun qo‘llab-quvvatlovchi maskan bo‘lishi nazarda tutilgan.
Yaqin kelajakda fond rekonstruksiya loyihasining batafsil rejasini taqdim etadi. Qayta qurish jarayonida qamoqxonaning eski kameralarini ko‘rgazma zallari va ijodiy studiyalarga aylantirish mo‘ljallangan.
Shu bilan birga, bino arxitekturasi viktorian davriga xos tarixiy qiyofasini saqlab qoladi, biroq zamonaviy san’at elementlari bilan uyg‘unlashtiriladi. Eslatib o‘tamiz, Oskar Uayldning ushbu qamoqxonadagi hayoti uning mashhur «Reding qamoqxonasi balladasi» asarini yaratishga turtki bo‘lgan.
Mazkur loyiha qamoqxonaning og‘ir tarixini yangi san’at maskaniga aylantirish orqali yangi hayot bag‘ishlashni ko‘zda tutadi.
