NATO AQSHni himoya qilishga tayyor ekanini bildirdi
NATO Bosh kotibi Mark Ryutte Yevropa davlatlari Qo‘shma Shtatlarni himoya qilishga to‘liq tayyor ekanini ma’lum qildi. Bu haqda Zamin.uz xabar berdi.
Unga ko‘ra, agar AQSHga hujum qilinsa, NATOga a’zo barcha davlatlar o‘z ittifoqchilik majburiyatlariga sodiq qoladi. Mark Ryutte bu fikrlarni Davosda o‘tgan Jahon iqtisodiy forumi doirasida AQSH prezidenti Donald Tramp bilan uchrashuv chog‘ida bildirdi.
U Trampning “Agar AQSHga hujum qilinsa, NATO davlatlari yordamga keladimi?” degan savoliga javob berdi. "Biz NATO davlatlari Qo‘shma Shtatlarga yordam beradimi, degan savolga to‘liq ishonch bilan javob bera olamiz — albatta, ular yordamga keladi.
Bunga Afg‘onistondagi tajriba yaqqol misol bo‘la oladi. O‘shanda har ikkala halok bo‘lgan amerikalik harbiy uchun NATOning boshqa davlatidan bir askar to‘g‘ri kelgan edi", — dedi Mark Ryutte.
Shuningdek, u Donald Tramp prezidentligi davrida NATOning yanada kuchayganini, ittifoq ichidagi hamkorlik va harbiy salohiyat sezilarli darajada oshganini alohida ta’kidladi.
