Turkiyada qurilishda ishlash uchun o‘zbekistonliklar yollanmoqda

Turkiyaning yirik qurilish kompaniyalaridan biri Istanbul xalqaro aeroporti qurilish maydonlarida ishlash uchun O‘zbekiston fuqarolarini ishga qabul qilmoqda. Bu haqda Zamin.uz xabar berdi.

Ish beruvchi xodimlarni transport bilan ta’minlaydi, yashash joyi va kuniga uch mahal ovqatni tashkil etadi, shuningdek, maxsus kiyim va shaxsiy himoya vositalarini beradi. Bundan tashqari, Turkiyada rasmiy ishlash uchun kerakli ruxsatnomalar rasmiylashtiriladi.

Bu haqda podrobno.uz xabar berdi. “Dunyo” axborotiga ko‘ra, ushbu tashabbus O‘zbekistonning Istanbuldagi Bosh konsulxonasi va ADS Hukuk konsalting kompaniyasi o‘rtasidagi muzokaralar natijasida amalga oshirilgan.

Kelishuv Turkiyaning yirik kompaniyalaridan biri — Kalyon Insaat Sanayi Ve Ticaret A.Sh. bilan erishilgan.

Ushbu kompaniya ko‘p yillardan buyon qurilish, energetika va transport yo‘nalishlarida yirik loyihalarni amalga oshirib kelmoqda. Kelajakda ushbu dastur doirasida ish hajmini kengaytirish va qurilish jarayoniga qo‘shimcha ishchi kuchini jalb qilish rejalashtirilgan.

Bundan tashqari, O‘zbekistonda xorijda ishlash uchun malakali kadrlar tayyorlash bo‘yicha loyihalar ham amalga oshirilmoqda. Masalan, Toshkentda Abu Ali ibn Sino nomidagi texnikum bazasida Germaniya tibbiyot akademiyasi tashkil etilgan.

Joriy o‘quv yilida ushbu akademiyada Germaniya klinikalarida ishlash imkoniyatiga ega bo‘ladigan 750 nafar hamshira va o‘rta bo‘g‘in tibbiyot xodimlari tayyorlanadi.