AQShda qor bo‘roni bir million xonadonni elektrsiz qoldirdi
AQShning janubi-sharqiy hududlarida kuzatilgan kuchli qor bo‘roni elektr energiyasi ta’minotida jiddiy uzilishlarga olib keldi. Bu haqda Zamin.uz xabar berdi.
Natijada, bir milliondan ortiq xonadon elektr energiyasidan mahrum bo‘ldi. Bu haqda PowerOutage monitoring xizmati ma’lumotlariga asoslanib, xabar berilgan.
Ma’lumotlarga ko‘ra, nosozliklar jami 1,07 million iste’molchiga ta’sir ko‘rsatgan. Eng ko‘p zarar Tennessi shtatida qayd etilgan bo‘lib, bu hududda 340 mingdan ortiq abonent elektrsiz qolgan.
Shuningdek, Missisipi, Luiziana, Jorjiya, Texas va Kentukki shtatlarida ham elektr ta’minotida sezilarli uzilishlar kuzatilgan. Bundan oldin, Afg‘onistonda ham O‘zbekistondan import qilinadigan elektr energiyasi yetkazib berilishida muammolar yuzaga kelgani haqida xabar berilgan edi.
Kuchli qor va shamol Puli-Xumri – Kobul yo‘nalishidagi elektr uzatish tarmoqlariga zarar yetkazgan, natijada importning bir qismi vaqtincha to‘xtatilgan. Bu holat bir nechta viloyatlarda ommaviy elektr uzilishlariga olib kelgan.
