Tramp Grenlandiya, Kanada va Venesuela haqida hazil qildi
AQSh sobiq prezidenti Donald Tramp Kanada, Grenlandiya va Venesuela kelajakda AQSh tarkibiga qo‘shilishi mumkinligi haqida hazilomuz fikr bildirgan. Bu haqda Zamin.uz xabar berdi.
Bu haqda *The Washington Post* nashri xabar berdi. Manbalarga ko‘ra, Tramp bu gaplarni Alfalfa klubida o‘tkazilgan yopiq formatdagi kechki ovqat davomida aytgan.
Nashrning yozishicha, prezidentning ayrim hazillari ishtirokchilar tomonidan kutilgan darajada iliq qabul qilinmagan. Shu bois yig‘ilish davomida zalda bir necha marta sukut saqlangan.
Tramp Grenlandiyaga harbiy yo‘l bilan kirish niyati yo‘qligini, aksincha, uni sotib olish mumkinligini hazil tariqasida ta’kidlagan. U Grenlandiyani AQShning 51-shtatiga aylantirish rejalari yo‘qligini bildirgan.
Buning o‘rniga Kanada 51-shtat, Grenlandiya esa 52-shtat bo‘lishi mumkinligini hazil ohangida aytib o‘tgan. Shuningdek, Tramp Venesuela ham kelajakda AQSh tarkibiga qo‘shilib, 53-shtatga aylanish ehtimoli haqida hazil qilgan.
Ushbu hazilomuz bayonotlar yig‘ilishga qiziqarlilik baxsh etgan bo‘lsa-da, barcha ishtirokchilar tomonidan birdek iliq qarshi olinmagan.
