Rod-Aylenddagi xokkey musobaqasida otishma: 6 o‘lik, jarohatlar

16-fevral kuni AQShning Rod-Aylend shtatidagi Potaket shahrida maktab jamoalari ishtirokidagi xokkey musobaqasi vaqtida otishma sodir bo‘ldi. Bu haqda Zamin.uz xabar berdi.

Politsiya bergan ma’lumotga ko‘ra, otishma oqibatida uch kishi halok bo‘lgan, yana uch nafar fuqaro og‘ir jarohat olib, shifoxonaga yotqizilgan. Dastlabki tergov xulosalariga ko‘ra, voqea maqsadli qasddan amalga oshirilgan bo‘lib, oilaviy kelishmovchilik sabab bo‘lgan bo‘lishi mumkin.

Politsiya voqea yuzasidan 56 yoshli Robert Dorgan ismli shaxsni gumonlanuvchi sifatida ko‘rsatgan. U musobaqada ishtirok etgan o‘quvchilardan birining otasi ekani aniqlangan.

Ma’lum qilinishicha, gumonlanuvchi voqea joyida o‘z joniga qasd qilgan va qurbonlar orasida uning o‘zi ham bor. Guvohlarning so‘zlariga ko‘ra, hodisa paytida qurollangan boshqa bir shaxs hujumchini to‘xtatishga uringan.

Voqea joyidan topilgan qurollar musodara qilingan. Ayni damda politsiya hodisa bo‘yicha guvohlarni so‘roq qilmoqda, videoyozuvlar tahlil qilinmoqda va voqeaning barcha tafsilotlari o‘rganilmoqda.

Hodisa bo‘yicha tergov ishlari davom etmoqda.