Eron hujumlari kamaymoqda, AQSH va Isroil bosimi oshmoqda

Xalqaro OCINT tadqiqotchilarining ma’lumotiga ko‘ra, Eronning raketa va dronlar bilan amalga oshirayotgan hujumlari asta-sekin kamaymoqda. Bu haqda Zamin.uz xabar berdi.

Mojaroning dastlabki sakkiz kunida Eron tomonidan yuborilgan qurollarning soni quyidagicha qayd etilgan. Ballistik raketalar soni birinchi kuni 350 ta bo‘lsa, ikkinchi kuni 175 taga, uchinchi kuni 120 taga tushdi.

To‘rtinchi kuni 50 ta, beshinchi kuni 40 ta, oltinchi kuni 32 ta, yettinchi kuni 28 ta, sakkizinchi kuni esa 15 tagacha kamaygan. Dronlar soni birinchi kuni 294 ta, ikkinchi kuni 541 ta, uchinchi kuni 200 ta, to‘rtinchi kuni 85 ta edi.

Beshinchi kuni 45 ta, oltinchi kuni 38 ta, yettinchi kuni 30 ta, sakkizinchi kuni esa 12 taga tushgan. Shu bilan birga, AQSH va Isroil tomonidan Eronga qilingan hujumlarning intensivligi ortib bormoqda.

Biroq, New York Times nashri xabariga ko‘ra, AQSH Eronga amalga oshirgan harbiy hujumlar orqali taxminan 210 milliard dollarlik zarar ko‘rish ehtimoli mavjud. Shu sababli Pentagon Kongressdan harbiy aslahalarni ta’minlash uchun qo‘shimcha mablag‘ so‘ragan.

Tahlilchilarning fikricha, Eronning hujumlarining kamayishi va AQSH-Isroilning kuchayishi mintaqadagi vaziyatning murakkablashuviga va xalqaro siyosiy qarashlarning keskinlashishiga olib kelishi mumkin.