Temirtau shahridagi ayol o‘n uchinchi farzandini dunyoga keltirdi
Qozog‘istonning Temirtau shahrida yashovchi 48 yoshli ayol 13-farzandini dunyoga keltirdi. Bu haqda Zamin.uz xabar berdi.
Bu haqda “Nur.kz” nashri ma’lumot berdi. Ma’lum bo‘lishicha, joriy yilning 2 mart kuni Larisa Kuznetsova viloyat klinik shifoxonasining 1-sonli perinatal markazida o‘g‘il farzand tug‘di.
Chaqaloq 3650 gramm vazn va 54 santimetr bo‘yga ega bo‘lib, tug‘ruq tabiiy yo‘l bilan amalga oshgan. Hozirda ona va bolaning sog‘ligi yaxshi ekani ma’lum qilindi.
Yangi tug‘ilgan Emin oiladagi 13-farzand hisoblanadi. U Larisaning to‘qqizinchi o‘g‘li bo‘lib, eng katta qizi esa 25 yoshda.
Larisa o‘zining so‘zlariga ko‘ra, u ham katta oilada ulg‘aygan. Turmush o‘rtog‘i esa yagona farzand sifatida o‘sishiga qaramay, vaqt o‘tishi bilan katta oila muhitiga moslashgan.
Shuningdek, u farzandining sog‘-salomat tug‘ilishida yordam bergan shifokorlarga minnatdorlik bildirdi.
