Vetnamda yoqilg‘i qisqa bo‘lganligi sababli masofadan ishlash tavsiya etildi
Vetnam hukumati yoqilg‘i sarfini kamaytirish maqsadida korxonalarga xodimlarni masofadan ishlash tartibiga o‘tkazishni tavsiya qildi. Bu haqda Zamin.uz xabar berdi.
Bu haqda mamlakat Sanoat va savdo vazirligi ma’lumot berdi. Ma’lum qilinishicha, AQSh va Isroilning Eron bilan urushga kirishi natijasida xalqaro energiya bozorida jiddiy beqarorlik yuzaga kelgan.
Shuning oqibatida yoqilg‘i ta’minotida muammolar paydo bo‘lib, narxlar keskin oshgan. Shu sababli Vetnam hukumati yoqilg‘i sarfini kamaytirish uchun bir qator choralarni ko‘rmoqda.
Xususan, idoralar va xususiy korxonalarga xodimlarni imkon qadar masofadan ishlashga o‘tkazish tavsiya etilgan. Mutaxassislarning fikriga ko‘ra, bunday chora transport harakatini kamaytiradi va yoqilg‘i iste’molini sezilarli darajada pasaytiradi.
Bu esa mamlakat iqtisodiyotiga tushayotgan bosimni yengillashtirishga yordam beradi. Shuningdek, Vetnam Yaqin Sharqdan keladigan energiya resurslariga katta darajada bog‘liq bo‘lib, ayni paytda eng ko‘p ta’sirlangan davlatlardan biridir.
Shu bois rasmiylar energiyani tejashga qaratilgan qo‘shimcha chora-tadbirlarni ham ishlab chiqmoqda.
