Qozog'istonda texnik xatolik sababli erkak vafot etgan deb topildi
Qozogistonning Qostanay viloyatida inson hayoti bilan bogliq kutilmagan va g‘ayrioddiy voqea yuz berdi. Bu haqda Zamin.uz xabar berdi.
Vladimir Shremf ismli fuqaro davlat elektron tizimidagi texnik xatolik sababli bir muddat rasmiy hujjatlarda vafot etgan shaxs sifatida qayd etildi. Mazkur tushunmovchilik erkak uchun jiddiy huquqiy va ijtimoiy qiyinchiliklarni keltirib chiqardi.
Mahalliy ommaviy axborot vositalarining xabar berishicha, ushbu voqea Vladimir Shremf onasining vafotiga oid hujjatlarni rasmiylashtirish jarayonida yuzaga kelgan. Tibbiyot muassasasi xodimi ma’lumotlarni tizimga kiritishda xatoga yol qoygan va natijada erkakning shaxsiy ma’lumotlari marhumlar royxatiga tushib qolgan.
Ushbu kichik texnik xato oqibatida fuqaro bir necha kun davomida rasmiy hujjatlar boyicha mavjud bolmagan shaxsga aylandi. Bu holat uning kundalik turmushiga keskin salbiy ta’sir korsatdi.
Vladimir Shremf ishga joylasha olmadi, uning haydovchilik guvohnomasi bekor qilindi va u avtomobil boshqarish huquqidan mahrum boldi. Eng yomoni, bank hisob raqamlari bloklangani sababli u hech qanday moliyaviy operatsiyalarni amalga oshirolmadi.
Davlat idoralariga yordam sorab murojaat qilganida esa tizim uning shaxsiy identifikatsiya raqamini tanimadi, chunki u bazada vafot etgan deb korsatilgan edi. Jabrlanuvchining sozlariga kora, u har bir idorada o‘zining tirik ekanini isbotlashga majbur bolgan, biroq tizimdagi ma’lumotlar uning harakatlariga tosqinlik qilgan.
Oradan toqqiz kun otgach, mutasaddilar xatolikni tuzatishdi va Vladimir Shremf rasmiy ravishda tirik shaxslar safiga qaytarildi. Shundan songgina uning barcha huquqiy maqomlari va hujjatlari tiklandi.
Hozirgi vaqtda fuqaro ushbu xato tufayli yetkazilgan moddiy va ma’naviy zararni undirish maqsadida sudga murojaat qilishni rejalashtirmoqda. Tibbiyot muassasasi ma’muriyati holat yuzasidan izoh berib, xatolik aniqlanishi bilanoq uni bartaraf etish choralari korilganini bildirdi.
Shuningdek, ma’lumotlarni noto‘g‘ri kiritgan mas’ul xodimga nisbatan intizomiy jazo chorasi qollanilgani ma’lum qilindi. Ushbu voqea raqamli tizimlarda inson omili sabab yuzaga keladigan xatolar qanchalik ogir oqibatlarga olib kelishi mumkinligini yana bir bor korsatib berdi.
