«Ukraina» dronlar bilan «Afip» neft zavodini qayta urdi
Ukraina qurolli kuchlari Rossiyaning janubiy hududlaridagi strategik neftni qayta ishlash infratuzilmasiga uchuvchisiz uchadigan apparatlar (dronlar) orqali ketma-ket kuchli zarbalar berdi. Bu haqda One.uz xabar beradi.
Hujumning asosiy nishonlari Krasnodar o‘lkasidagi Afip hamda Rostov viloyatidagi Novoshaxtinsk neftni qayta ishlash zavodlari bo‘lgan. Ushbu zarbalar oqibatida yirik sanoat obyektlarida yong‘inlar kelib chiqqan, korxonalar ishini to‘xtatgan, shuningdek, tinch aholi orasida qurbonlar va jarohatlanganlar mavjud ekanligi ma’lum qilindi.
Afip neft qayta ishlash zavodida 2026 yilda beshinchi hujum Krasnodar o‘lkasining Severskiy tumanidagi Afip neft qayta ishlash zavodi yana dronlar nishoniga aylandi. Ukrainaning «Exilenova+», «Supernova» monitoring guruhlari va «Astra» nashriga ko‘ra, bu zavod 2026 yil boshidan buyon beshinchi marta hujumga uchramoqda.
Avvalgi hujumlar 21 yanvar, 14 mart, 11 iyun va 14 iyul kunlarda amalga oshirilgan edi. O‘lka gubernatori Veniamin Kondratev ma’lum qilganicha, urib tushirilgan dron parchalari Afipskaya temiryo‘l stansiyasiga tushgan, neftni qayta ishlash korxonasi hududida kuchli yong‘in boshlangan.
Hodisada 2 kishi halok bo‘lgan, yana 2 kishi og‘ir tan jarohati olgan. Afipskiy posyolkasida kamida 10 ta xususiy turar joy binosi jiddiy zarar ko‘rgan.
Novoshaxtinsk neft qayta ishlash zavodi to‘xtatildi Rostov viloyatiga yo‘naltirilgan hujum ko‘lami yanada kengroq bo‘ldi. Viloyat gubernatori Yuriy Slyusar ma’lumotiga ko‘ra, hududga taxminan 30 ta dron bilan hujum qilingan.
Gukovo, Kamensk-Shaxtinskiy, Novoshaxtinsk shaharlari va yon-atrofdagi tumanlarda portlashlar qayd etilgan. Zarbalar natijasida Novoshaxtinsk neft qayta ishlash zavodining uskunalari shikastlangan, jiddiy zarar sababli korxona o‘z faoliyatini butunlay to‘xtatishga majbur bo‘lgan.
Kamensk tumanida 4,5 gektar o‘rmon hududida va Krasnosulinsk tumanida quruq o‘tloqlarda keng ko‘lamli yong‘inlar yuzaga keldi. Rossiya Mudofaa vazirligi bayonotiga ko‘ra, tun davomida Rossiya hududlari, anneksiya qilingan Qrim hamda Qora va Azov dengizlari akvatoriyasi uzra jami 148 ta havo nishoni yo‘q qilingan.
Uzoq Sharqdagi Amur gaz-kimyo majmuasida ham xavfsizlik jarayoni to‘xtatildi Rossiyaning janubidagi portlashlar fonida Uzoq Sharqda — Amur viloyatida qurilayotgan ulkan Amur gaz-kimyo majmuasida ham favqulodda holat yuz berdi. «Astra» xabariga ko‘ra, Rossiyaning «SIBUR» hamda Xitoyning «Sinopec» kompaniyalari tomonidan bunyod etilayotgan ushbu gigant zavodda xavfsizlikni ta’minlash maqsadida sozlash jarayonidagi uskunalar zudlik bilan to‘xtatilgan.
Bu loyoha kelajakda dunyoning eng yirik polimer ishlab chiqaruvchisiga aylanishi kutilayotgan. Bu holatlar Rossiyaning energiya va kimyo sanoatidagi stratejik obyektlar uchun o‘zgarib bormaqdagi xavf darajasini ko‘rsatadi.
