Shohjahon Ergashev raqiblariga keskin javob berdi
Professional boksning birinchi yarim o‘rta vazn toifasida faoliyat yuritayotgan Shohjahon Ergashev so‘nggi kunlarda ijtimoiy tarmoqlarda unga jang taklifi qilayotgan sportchilarga keskin javob berdi. Bu haqda One.uz xabar beradi.
Qirg‘izistonlik Abdurahman Abdurahmanov va Ozarboyjonlik Emil Novruzov avvalroq o‘zbek bokschisi bilan urishmoqchi ekanligini ochiq bildirgan edi. Shohjahon Ergashev bu murojaatlarga to‘xtalib, raqiblarining darajasini yuqori baholamayotganini va hatto ularning kimligini ham bilmayotganini ta’kidladi.
«Sal sabr qilib turinglar, men sizlarning hammangiz bilan navbati bilan urishib chiqaman» deb yozdi u. Yurtdoshlarga murojaat Ergashevning ta’kidlashicha, unga xorijdan ko‘ra ko‘proq O‘zbekistondagi sportchilardan jang takliflari kelgan.
«Eng qizig‘i, menga eng ko‘p chorlovlar boshqa davlatlardan emas, balki o‘zimizning o‘zbek jangchilaridan keldi» deb aytdi bokschi. Uning fikriga, yurtdosh jangchilar rasmiy janglar kutish o‘rniga mashg‘ulot zalida sparring o‘tkazishlari afzal.
«Kelinglar, men hozircha xorijiy jangchilar bilan rasmiy janglarimni o‘tzib turay, sizlar esa xohlasangiz mashg‘ulot zalimga kelishingiz mumkin. Men sizlarni shu yerda tekinga urib qo‘yishim mumkin» deb qo‘shdi Ergashev.
O‘zining mursosiz uslubi bilan tanilgan bokschining bu bayonoti sport jamoatchiligi orasida keng bahs-munozaralarga sabab bo‘ldi. Manba: One.uz
