2025 yilning birinchi yarmida O‘zbekistonda demografik vaziyat tahlili ko‘rsatdiki, nikohlar soni kamayishi fonida ajrimlar soni sezilarli darajada oshgan. Bu haqida Upl.uz xabar berdi.
Bu haqda O‘zbekiston Respublikasi Davlat statistika qo‘mitasining ma’lumotlaridan ma’lum bo‘ldi. Joriy yil yanvar oyidan iyun oyigacha respublika bo‘yicha jami 23,3 ming ta ajrim qayd etildi.
O‘tgan yilning shu davriga nisbatan ajrimlar soni 0,8 mingga oshgan. E’tiborlisi, ajrimlarning ko‘pchiligi shahar hududlarida yuz bergan bo‘lib, ularning soni 14,1 mingni tashkil etdi, bu umumiy ajrimlarning 60,6 foizini tashkil etadi.
Qishloq joylarida esa 9,2 ming ta ajrim ro‘yxatga olingan, bu esa 39,4 foizga teng. Hududlar kesimida ajrimlar bo‘yicha yetakchi o‘rinlarni Toshkent shahri 1,5 ming, Toshkent viloyati 1,2 ming va Farg‘ona viloyati 1,2 ming holat bilan egalladi.
Eng kam ajrimlar Navoiy viloyatida — 310 ta qayd etildi. Shu bilan birga, ajrimlar sonining oshishiga qaramay, 2025 yilning birinchi yarmida yangi nikohlar soni 2,1 mingga kamayib, 95,3 mingni tashkil etdi.
Solishtirish uchun, 2024 yilning shu davrida 97,4 ming nikoh qayd qilingan edi. Yangi nikohlarning 48,7 mingtasi, ya’ni 51,1 foizi shaharlarda, 46,6 mingtasi yoki 48,9 foizi esa qishloq joylarida ro‘yxatga olingan.
