Toshkent shahrining Shayxontohur tumanida keng ko‘lamli qurilish va montaj ishlari olib borilishi munosabati bilan haydovchilarga yo‘l harakatini oldindan rejalashtirish tavsiya etiladi. Bu haqida Upl.uz xabar berdi.
25 iyul soat 15:00 dan 28 iyul soat 06:00 gacha Kichik halqa avtomobil yo‘lida bir yo‘nalishdagi harakat to‘liq yopiladi. Cheklovlar Beshkayragach ko‘chasi bilan kesishgan joydan Boshlanib, Beruniy ko‘chasi bilan kesishgan joygacha bo‘lgan hududni qamrab oladi.
Ushbu yo‘nalishda harakat ko‘rsatilgan muddat davomida to‘xtatiladi. Haydovchilarga kartalarni oldindan o‘rganib chiqish va yopiq hududni aylanib o‘tish uchun muqobil yo‘llardan foydalanish tavsiya etiladi.
Shahar aholisidan ushbu vaqtinchalik noqulayliklarga sabr-toqat bilan yondashish so‘raladi, chunki bu ishlar zaruriy va muhim hisoblanadi.
