Toshkent shahar Ichki ishlar bosh boshqarmasining Yo‘l harakati xavfsizligi boshqarmasi matbuot xizmatidan ma’lum qilinishicha, 26 iyul kuni soat 01:00 larda Shayxontohur tumanidagi Nurafshon ko‘chasida yo‘l-transport hodisasi yuz berdi. Bu haqida Upl.uz xabar berdi.
2005 yilda tug‘ilgan “Spark” rusumli avtomobil haydovchisi boshqaruvni yo‘qotib, yo‘lning ajratuvchi qismida o‘rnatilgan yoritish ustuniga urilgan. Hodisa natijasida haydovchi olgan jarohatlari og‘ir bo‘lib, voqea joyida vafot etdi.
Uning yonidagi yo‘lovchi, 2004 yilda tug‘ilgan shaxs, zudlik bilan tibbiy yordamga muhtoj bo‘ldi. Ushbu holat bo‘yicha O‘zbekiston Respublikasi Jinoyat kodeksining 266-moddasi, 2-qismi bo‘yicha jinoyat ishi qo‘zg‘atilgan.
Hozirda tergov harakatlari davom etmoqda. Yo‘l harakati xavfsizligiga rioya qilish barcha haydovchilar uchun muhimligini yana bir bor ta’kidlaymiz.
