Sankt-Peterburgning Moskovskiy tumanidagi Vitebskiy prospektda joylashgan bir gaz quyish shoxobchasida fojiali voqea yuz berdi. Bu haqida Upl.uz xabar berdi.
O‘zbekiston fuqarosi, 17 yoshli qiz, homiladorlikning 24-haftasida bo‘lib, umrga kelmagan chaqaloqni dunyoga keltirdi. Bu haqda Sankt-Peterburgning asosiy shahar telekanali bo‘lgan 78.ru xabar berdi.
Voqea 2-avgust kechasi sodir bo‘ldi. Qiz to‘satdan o‘zini yomon his qila boshladi va tug‘ruq to‘g‘ridan-to‘g‘ri gaz quyish shoxobchasining hojatxonasida boshlandi.
Hodisa joyiga yetib kelgan tibbiyot xodimlari chaqaloqning vafot etganini tasdiqladi. Qiz shoshilinch ravishda tug‘ruq uyiga olib ketilib, unga zarur tibbiy yordam ko‘rsatildi.
Hodisa joyiga tezda politsiya va tergovchilar kelib, fojianing barcha tafsilotlarini aniqlash ustida ishlamoqda. Tug‘ruq qilgan qizning ota-onasi politsiya bo‘limiga olib borilib, so‘roq qilindi.
Hodisaning sabablari va sharoitlari hozirda o‘rganilmoqda.
