Ijtimoiy tarmoqlarda tarqalgan videoda erkak kishi VAZ-2108 rusumli mashinaning ustiga sakrab chiqib, oynasini oyoq bilan sindirgan va mashinani boshqargani ko‘rsatilgan edi. Bu haqida Upl.uz xabar berdi.
Ushbu holat Toshkent shahar Ichki ishlar bosh boshqarmasi matbuot xizmati tomonidan izohlandi. Ma’lum bo‘lishicha, hodisa 9 avgust kuni ertalab Bektimir tumani savdo majmualaridan birida sodir bo‘lgan.
Ichki ishlar organlari ma’lumotiga ko‘ra, 33 yoshli B. K.
ismli shaxs spirtli ichimlik ta’sirida bo‘lgan holda, mashinaning egasi, 1996 yilda tug‘ilgan N. B.
ga tegishli bo‘lgan VAZ-2108 rusumli avtomobilning ustiga sakrab chiqib, uning tomini shikastlagan. So‘ngra u ushbu mashinani avtoturargoh hududida boshqargan.
Aniqlanishicha, ushbu shaxs oldinroq spirtli ichimlik ta’sirida bo‘lgani sababli savdo majmua ichiga kiritilmagan. Tez orada Ichki ishlar xodimlari tomonidan ushlandi.
Mazkur shaxsga nisbatan O‘zbekiston Respublikasi ma’muriy javobgarlik to‘g‘risidagi kodeksining 200-moddasi (“O‘zini-o‘zi boshqarish”), 183-moddasi (“Kichik bezorilik”) va 194-moddasi (“Ichki ishlar xodimining qonuniy talablarini bajarmaslik”) bo‘yicha ma’muriy bayonnoma tuzilgan. Ish materiallari Bektimir tumani jinoyat ishlari bo‘yicha sudiga yuborilgan va qaror qabul qilinishi kutilmoqda.
