O‘zbekistonda oliy ta’lim muassasalariga kirish imtihonlari yakuniy natijalari e’lon qilindi. Bu haqida Upl.uz xabar berdi.
Imtihon natijalari bilan rozi bo‘lmagan abituriyentlar apellyatsiya berish huquqiga ega. Apellyatsiya arizalarini qabul qilish 15 avgustdan boshlanib, 24 avgustga qadar davom etadi.
Apellyatsiya berish jarayoni to‘liq raqamlashtirilgan. Abituriyentlar bu jarayonni my.uzbmb.uz rasmiy sayti orqali, shaxsiy kabinetlari yordamida amalga oshirishlari mumkin.
Apellyatsiya faqat imtihonda ishtirok etgan va ishtiroki bekor qilinmagan abituriyentlar uchun haqiqiy hisoblanadi. Ariza muvaffaqiyatli topshirilgach, abituriyentga aniq sana va vaqt ko‘rsatilgan bildirishnoma keladi.
Ushbu bildirishnoma bilan birga shaxsini tasdiqlovchi hujjatni o‘z bilan olib kelishi talab etiladi. Apellyatsiyalarni ko‘rib chiqish 21 avgust kuni rejalashtirilgan bo‘lib, maxsus komissiya barcha arizalarni diqqat bilan tahlil qilib, yakuniy qarorni qabul qiladi.
