Surxondaryo viloyati ichki ishlar boshqarmasi matbuot xizmatidan ma’lum qilinishicha, 2025 yil 2 avgust kuni Termiz tumani "Soliobod" mahallasida yashovchi 1983 yilda tug‘ilgan Mirzaolimova Zamira Chorievna o‘z yashash joyidan noma’lum yo‘nalishda ketgan. Bu haqida Upl.uz xabar berdi.
Shu vaqtdan beri uning qaerdaligiga oid hech qanday ma’lumot yo‘q. Agar siz yo‘qolgan ayol haqida ma’lumotga ega bo‘lsangiz, iltimos, eng yaqin ichki ishlar bo‘limiga murojaat qiling yoki qisqa "102" raqamiga qo‘ng‘iroq qiling.
Shuningdek, quyidagi telefon raqamlariga ham murojaat qilishingiz mumkin: (76) 363-22-02, (88) 351-04-32, (90) 746-00-06. Yo‘qolgan ayol haqidagi ishonchli ma’lumot uchun ikki million so‘m miqdorida pul mukofoti taqdim etiladi.
Har qanday ma’lumot jamiyat xavfsizligini ta’minlashga xizmat qiladi. Iltimos, yordam berishda befarq bo‘lmay, o‘z vaqtida xabar bering.
