O‘zbekiston Respublikasidagi barcha umumta’lim maktablarida yangi o‘quv yili 2 sentyabr, seshanba kuni boshlanadi. Bu haqida Upl.uz xabar berdi.
Bu haqda O‘zbekiston Respublikasi maktabgacha va maktab ta’limi vazirligi matbuot xizmati ma’lum qildi. Yangi o‘quv yilining birinchi darsi “Vatan uchun, millat uchun, xalq uchun!” shiori ostida o‘tkaziladi.
Ushbu dars “Kelajak soati” mavzusida bo‘lib, o‘quvchilarga milliy g‘oya va vatanparvarlik ruhini singdirishga qaratilgan. Shuningdek, 738 mingdan ortiq birinchi sinf o‘quvchilariga Prezident sovg‘asi taqdim etiladi.
Sovg‘a 12 xil maktab anjomlaridan iborat bo‘lib, yosh o‘quvchilarning maktab hayotini yanada qulay va maroqli qilishga xizmat qiladi. Bu tadbirlar yangi o‘quv yilini mazmunli boshlash va ta’lim sifatini oshirishga qaratilgan.
