Toshkent shahar IIBB Yo‘l harakati xavfsizligi boshqarmasi matbuot xizmatidan olingan ma’lumotga ko‘ra, 26 avgust kuni soat taxminan 20:30 da Chilonzor tumani Seul ko‘chasida yo‘l-transport hodisasi yuz berdi. Bu haqida Upl.uz xabar berdi.
Hodisa joyida skuter va Nexia-3 rusumli avtomobil to‘qnashdi. To‘qnashuv natijasida skuter haydovchisi bo‘lgan qiz jarohat oldi va unga birinchi tibbiy yordam ko‘rsatildi.
Mazkur holat yuzasidan ichki ishlar organlari xodimlari tomonidan tergov harakatlari olib borilmoqda. Ba’zi manbalarda skuterda ikki nafar qiz bo‘lib, ularning ushbu transport vositasini ijaraga olgani haqida ma’lumotlar berilgan.
Hodisaning aniq sabablari va tafsilotlari tergov jarayonida aniqlanadi. Fuqarolardan yo‘l harakati qoidalariga qat’iy rioya qilishlari so‘raladi.
