Jizzax viloyati Majburiy ijro byurosi matbuot xizmati xabariga ko‘ra, noqonuniy qurilgan binolar majburiy tartibda buzilmoqda. Bu haqida Upl.uz xabar berdi.
Jizzax viloyati Majburiy ijro byurosining hududiy boshqarmalari sud qarori asosida beshta noqonuniy qurilgan bino va inshootni buzdi. Ushbu binolar fuqarolar tomonidan ruxsatsiz qurilgan bo‘lib, sud qaroriga muvofiq, buzilish xarajatlari javobgar tomon hisobidan qoplanishi belgilangan.
Ijro harakatlari davomida qarzdorlarga barcha zarur ogohlantirishlar berildi. Shundan so‘ng, belgilangan tartibda guvohlar va vakolatli tashkilot vakillari ishtirokida buzish ishlari olib borildi.
Majburiy ijro byurosi noqonuniy qurilmalarni buzish bo‘yicha faol ishlarni davom ettiradi. Bu chora-tadbirlar qonun ustuvorligini ta’minlash va ijtimoiy tartibni saqlashga qaratilgan.
Shuningdek, fuqarolarga qonuniy asosda qurilish qilish tavsiya etiladi.
