Samarqand viloyati Favqulodda vaziyatlar boshqarmasi matbuot xizmatidan ma’lum qilinishicha, 2023-yil 3-sentabr kuni soat taxminan 13:30 da "112" yagona qo‘ng‘iroq markaziga meva va sabzavotlarni saqlash uchun mo‘ljallangan sovutgich omborida yong‘in yuzaga kelgani haqida xabar kelib tushdi. Bu haqida Upl.uz xabar berdi.
Hodisa Samarqand tumani "Dashtobod" mahallasida sodir bo‘ldi. Voqea joyiga beshta yong‘in o‘chirish va qutqarish bo‘linmalari tezda yetib borib, to‘rt daqiqa ichida yong‘inni bartaraf etdi.
Yong‘in oqibatida hech kim jarohat olmadi. Hozirda yong‘inning kelib chiqish sabablari va moddiy zarar miqdorini aniqlash maqsadida dastlabki tergov harakatlari olib borilmoqda.
Ushbu holat bo‘yicha barcha zaruriy choralar ko‘rilmoqda va aholi xavfsizligi ta’minlanmoqda.
