Qozog‘istonning Turkiston viloyatida 35 yoshli O‘zbekiston fuqarosi ustidan sud hukmi chiqarildi. Bu haqida Upl.uz xabar berdi.
U sakkizinchi sinf o‘quvchisiga nisbatan takroran zo‘rlash jinoyati bo‘yicha ayblandi. Sud uni aybdor deb topib, umrbod qamoq jazosiga hukm qildi.
Ayblanuvchi o‘z aybini tan olmadi. Turkiston viloyatining jinoyat ishlari bo‘yicha maxsus hududlararo sudi ma’lumotiga ko‘ra, ushbu shaxs Jinoyat kodeksining "Zo‘rlash" moddasi bo‘yicha gumon qilindi.
2024 yil o‘rtalarida u Qozog‘iston Respublikasiga qurilish ishlarini amalga oshirish uchun kelgan. Keles tumanidagi uyda ishlayotgan paytda, qo‘shni uydagi 2011 yilda tug‘ilgan qizning ojiz holatidan foydalangan holda, uning roziligisiz bir necha marotaba jinsiy aloqa qilgan.
Prokuror unga umrbod qamoq jazosi berilishini talab qildi va sud bu talabni to‘liq qondirdi. Jabrlanuvchi onasi qizining homiladorligini qorin og‘rig‘idan keyin, poliklinikaga olib borilganda bilib qoldi.
Shifokorlar qizning homiladorligi yettinchi oyda ekanligini ma’lum qilishdi. Onaning so‘zlariga ko‘ra, ayblanuvchi qizga uni “xiyonat qilgan” deb obro‘sizlantirish bilan tahdid qilgan.
Qiz uzoq vaqt jim turgan, voqea esa tasodifan oshkor bo‘lgan. Sud ayblanuvchini Jinoyat kodeksining 120-moddasi 4-qismi bo‘yicha aybdor deb topdi va unga umrbod qamoq jazosi tayinladi.
Hukm 2024 yil 25 avgust kuni e’lon qilindi. Hozircha ayblanuvchi apellyatsiya berishi haqida ma’lumot yo‘q.
Hukm hali qonuniy kuchga kirgani yo‘q.
