2025 yilning yanvaridan apreliga qadar O‘zbekistonga sayyohlik maqsadida kelgan xorijiy fuqarolar soni 3,1 millionni tashkil etdi. Bu haqida Upl.uz xabar berdi.
Bu haqda O‘zbekiston Respublikasi Davlat statistika qo‘mitasi ma’lumotlariga asoslanib ma’lum qilindi. O‘tgan yilning shu davriga nisbatan sayyohlar soni 987,9 mingga yoki 46,4 foizga oshgan.
Ushbu ko‘rsatkich mamlakatimizning sayyohlik salohiyatining oshayotganidan dalolat beradi. Sayyohlar asosan quyidagi davlatlardan kelmoqda: Qirg‘izistondan 942,2 ming, Tojikistondan 793,9 ming, Qozog‘istondan 617,2 ming, Rossiyadan 240,1 ming, Afg‘onistondan 156,6 ming, Turkmanistondan 109,6 ming, Turkiyadan 49,4 ming, Xitoydan 38,1 ming, Hindistondan 22,6 ming, Italiyadan esa 11,1 ming kishi tashrif buyurgan.
Shuningdek, boshqa davlatlardan kelgan sayyohlar soni 136,8 mingni tashkil qilmoqda. Ushbu raqamlar O‘zbekistonning xalqaro sayyohlik yo‘nalishidagi o‘rnining mustahkamlanayotganini ko‘rsatadi.
👍 0❤️ 0😂 0😢 0😡 0
