Toshkent shahar Majburiy ijro byurosi matbuot xizmati xabariga ko‘ra, qarzdor hibsga olingan kvartira uchun barcha qarzini to‘lab berdi. Bu haqida Upl.uz xabar berdi.
Toshkent shahar Majburiy ijro byurosiga Uchtepa tumanlararo fuqarolik ishlari sudi qarori kelib tushdi. Ushbu qarorga ko‘ra, “M.S.G.” nomli yakka tartibdagi tadbirkordan “Ipak Yo‘li” bankining Shayxontohur filiali foydasiga jami 185,5 million so‘mdan ortiq qarz undirildi.
Yakka tartibdagi tadbirkor qarzni o‘z vaqtida to‘lamagani sababli, uning Sergeli-5 massivida joylashgan kvartirasiga qarzni majburan undiruvchi sifatida hibs qo‘yildi. Uch oy davomida ogohlantirishlarga e’tibor bermagan tadbirkor oxir-oqibat qarzining to‘liq miqdorini to‘lab, to‘lovni tasdiqlovchi hujjat nusxasini poytaxt Majburiy ijro byurosiga taqdim etdi.
Shu asosda ijro ishi bekor qilindi.
