Ichki ishlar vazirligi matbuot xizmatida ma’lumot e’lon qilindi. Bu haqida Upl.uz xabar berdi.
Joriy yilning 13 iyul kuni Islom Karimov nomidagi Toshkent xalqaro aeroportiga Interpol tomonidan qidiruvga berilgan O‘zbekiston fuqarosi olib kelingan. U O‘zbekiston Respublikasi Jinoyat kodeksining 167-moddasi 3-qismi bo‘yicha, ya’ni talon-toroj qilish yoki rastrata yo‘li bilan o‘g‘irlik qilish jinoyati bo‘yicha ayblanmoqda.
Ushbu jinoyat uchun unga 10 yilgacha ozodlikdan mahrum qilish jazosi qo‘llanilishi mumkin. Interpol xodimlari olib borilgan tezkor qidiruv tadbirlari davomida ushbu shaxs Qo‘shma Shtatlar hududida yashirinib yurganligini aniqlashdi.
AQSh huquqni muhofaza qilish organlari hamda AQShning O‘zbekistondagi elchixonasi bilan hamkorlikda amalga oshirilgan samarali harakatlar natijasida ushbu jinoyatchi O‘zbekistonga qaytarildi. Endilikda u sud tomonidan javobgarlikka tortiladi.
