2025 yil 1 iyul holatiga ko‘ra, O‘zbekiston Respublikasi hududida 29 400 ta faol qurilish korxonasi mavjud. Bu haqida Upl.uz xabar berdi.
Bu ma’lumotlar Davlat statistika qo‘mitasi tomonidan taqdim etilgan. Joriy yil boshidan buyon qurilish sohasidagi korxonalar soni 1 992 taga ko‘paygan bo‘lib, bu sohaning faol rivojlanayotganidan dalolat beradi.
Hududlar kesimida qurilish korxonalarining taqsimotiga qaraganda, eng ko‘p korxonalar poytaxt Toshkent shahrida joylashgan. Toshkentda umumiy korxonalar sonining 24,2 foizi, ya’ni 7 118 ta korxona faoliyat yuritmoqda.
Bu holat Toshkentning qurilish sanoatidagi markaziy o‘rinni egallashini ko‘rsatadi. Qurilish korxonalarining hududlar bo‘yicha taqsimoti quyidagicha: Toshkent shahrida 7 118 ta, Toshkent viloyatida 2 626 ta, Samarqand viloyatida 2 180 ta, Farg‘ona viloyatida 2 174 ta, Buxoro viloyatida 2 095 ta, Qashqadaryo viloyatida 2 018 ta, Surxondaryo viloyatida 1 912 ta, Andijon viloyatida 1 685 ta, Qoraqalpog‘iston Respublikasida 1 546 ta, Xorazm viloyatida 1 466 ta, Namangan viloyatida 1 348 ta, Jizzax viloyatida 1 210 ta, Navoiy viloyatida 1 166 ta hamda Sirdaryo viloyatida 856 ta korxona faoliyat ko‘rsatmoqda.
Ushbu raqamlar qurilish sohasining mamlakat bo‘ylab barqaror rivojlanishini tasdiqlaydi.
👍 0❤️ 0😂 0😢 0😡 0
