Navoiy viloyatida elektr energiyasidan noqonuniy foydalanish holati aniqlanganligi haqida Uzenergoinspektsiya matbuot xizmati xabar bermoqda. Bu haqida Upl.uz xabar berdi.
Navoiy viloyati Uzenergoinspektsiyasi boshqarmasi xodimlari tomonidan nazorat tadbirlari o‘tkazilgan. Tadbir davomida viloyatning Nurata tumanida joylashgan “J.
M.” mas’uliyati cheklangan jamiyatining tosh ishlov berish sexi faoliyati tekshirildi. Tekshiruvda ushbu korxonada elektr energiyasidan noqonuniy foydalanilgani ma’lum bo‘ldi, chunki elektr energiyasi iste’molini o‘lchovchi qurilma belgilangan tartibda ro‘yxatdan o‘tkazilmagan edi.
Dastlabki hisob-kitoblarga ko‘ra, zarar miqdori 803,2 million so‘mni tashkil etadi. Ushbu holat bo‘yicha barcha yig‘ilgan materiallar huquqni muhofaza qiluvchi organlarga taqdim etilgan.
Hozirda dastlabki surishtiruv ishlari olib borilmoqda.
