Jizzax viloyati IIB matbuot xizmati tomonidan xabar qilinishicha, voyaga yetmagan fuqaro marixuana saqlagani uchun ushlangan. Bu haqida Upl.uz xabar berdi.
"Xavfsiz va sog‘lom mamlakat" oyligi doirasida Jizzax shahrining "Madaniyat" mahallasida shubhali shaxs to‘xtatilib, ichki ishlar bo‘limiga olib ketilgan. Surishtiruv davomida ushbu shaxsning 17 yoshda ekanligi aniqlangan.
Shaxsiy ko‘zdan kechirish jarayonida, guvohlar ishtirokida, uning 2000 so‘mlik banknotasida 1,42 gramm marixuana giyohvand moddasi topilib, olib qo‘yilgan. Mazkur holat bo‘yicha tegishli hujjatlar rasmiylashtirildi.
Hozirda tergov harakatlari olib borilmoqda. Ichki ishlar organlari jamoat xavfsizligini ta’minlash borasida doimiy ravishda ishlamoqda.
Fuqarolardan qonunlarni hurmat qilish va giyohvand moddalardan uzoq turishlarini so‘raymiz.
