Toshkent shahar Favqulodda vaziyatlar boshqarmasi matbuot xizmatidan ma’lum qilinishicha, 2024 yil 18 iyul kuni soat taxminan 21:30da shahar hududidagi xususiy uylardan birida yong‘in yuz berdi. Bu haqida Upl.uz xabar berdi.
Hodisa Shayxontohur tumani, Nurabad ko‘chasi, 2-tor manzilida sodir bo‘ldi. Yong‘in haqida xabar kelishi bilan Favqulodda vaziyatlar xizmati xodimlari voqea joyiga yetib bordi va zudlik bilan yong‘inni o‘chirish ishlarini boshladi.
Soat 22:13da yong‘in nazoratga olindi, 22:33da esa to‘liq o‘chirildi. Yong‘in oqibatida hech kim jarohat olgani yo‘q.
Hozirda yong‘inning sabablarini aniqlash va moddiy zarar miqdorini baholash ishlari davom etmoqda. Ushbu holat bo‘yicha qo‘shimcha ma’lumotlar taqdim etiladi.
