O‘zbekistonlik xonanda Munisa Rizaeva jahon miqyosidagi amerikalik yulduz Jennifer Lopess bilan birgalikda qo‘shiq yozishni taklif qilgani sababli keng e’tiborni qozondi. Bu haqida Upl.uz xabar berdi.
Uning ushbu taklifi ijtimoiy tarmoqlarda turli tanqidlar va kulgili fikrlar uyg‘otdi. Jennifer Lopes esa o‘z sahifasida Munisa tomonidan sovg‘a qilingan gullar bilan tushgan suratini joylashtirib, Toshkentdagi iliq kutib olgani uchun minnatdorchilik bildirdi.
Shundan so‘ng, Munisa Rizaeva o‘zining tarafdorlari uchun minnatdorlik bildirgan videomurojaat yo‘lladi. Unda uni tanqid qilganlarga ham javob qaytardi.
Munisa ko‘plab tanqidlar va masxara unga ta’sir qilmaganini ta’kidladi. Shuningdek, u kelajakda muxlislarini hayratga soladigan yangiliklar bo‘lishini ma’lum qildi va Jennifer Lopess bilan do‘st ekanligini bildirdi.
Ushbu voqea o‘zbek estradasida yangi sahifa ochilishi mumkinligini ko‘rsatmoqda.
