Super Mario multfilmining yangi davomi e’lon qilindi
Illumination va Nintendo kompaniyalari mashhur "Aka-uka Super Mario kinoda" multfilmining davomini taqdim etdi. Bu haqida Zamin.uz xabar berdi.
Yangi loyiha "The Super Mario Galaxy Movie" nomi bilan e’lon qilindi. Bu haqda Deadline nashri xabar berdi.
Multfilmdagi asosiy qahramonlarga yana Kris Pratt (Mario), Anya Teylor-Joy (Malika Pich), Charli Dey (Luiji), Jek Blek (Bouzer), Kigen-Maykl Ki (Toad) va Kevin Maykl Richardson (Kamek) ovoz beradi. Loyihaning rejissyorlari sifatida Aaron Xorvat va Mixael Yelenik tanlangan.
Ssenariyni esa Mett Fogel yozmoqda. Asl multfilm Mario va Luiidji ismli santexnik aka-ukalarning ertak olamidagi sarguzashtlarini ko‘rsatgan edi.
Yangi davomda esa qahramonlar koinotdagi yangi sinovlarga duch keladi. Filmning premyerasi 2026 yil 3 aprelda bo‘lib o‘tadi.
Eslatib o‘tish joizki, "Aka-uka Super Mario kinoda" multfilmi o‘tgan yilning eng muvaffaqiyatli loyihalaridan biri bo‘lib, 1,3 milliard dollar daromad keltirgan. Bu natija uning kino sanoatidagi o‘rnini yana bir bor tasdiqlaydi.
Yangi film muxlislar tomonidan katta qiziqish bilan kutib olinmoqda.
