Garri Potter serialida Volan-de-Mort roliga uch aktyor nomzodi
HBO tomonidan suratga olinayotgan yangi “Garri Potter” seriali atrofida muxlislar katta qiziqish bilan fikr bildirmoqda. Bu haqida Zamin.uz xabar berdi.
Eng ko‘p muhokama qilinayotgan savollardan biri qorong‘u sehrgar Lord Volan-de-Mort obrazini kim ijro etishi mumkinligi hisoblanadi. IMDb saytining ma’lumotlariga ko‘ra, Warner Bros.
studiyasi allaqachon bu rol uchun aktyorni tanlab qo‘ygani aytilmoqda, biroq hozircha ushbu ma’lumotni oshkor qilmayapti. Shu bois, muxlislar orasida uch aktyor nomi eng jiddiy nomzod sifatida tilga olinmoqda.
Birinchi variant — Nikolas Xoult. U o‘tgan yili “Garri Potter” haqidagi original filmlardagi turli rollarga, hatto bosh qahramon uchun ham kastingdan o‘tgan edi.
Hozirda britaniyalik aktyorning yangi serialda Volan-de-Mort rolini ijro etishi mumkinligi haqida taxminlar mavjud. Ikkinchi nomzod — Killian Merfi.
Uning “Betmen boshlanadi” filmidagi doktor Jonatan Kreyn (Qo‘rqoq) roli muxlislar tomonidan yovuzlik va noziklikni uyg‘un ifodalash misoli sifatida qadrlanadi. Merfi o‘zining mahorati bilan murakkab xarakterlarni jonlantirishda yuqori darajada ijro ko‘rsatgan.
Uchinchi da’vogar — Ostin Butler. U Baz Lurman rejissyorligidagi “Elvis” filmidagi asosiy rol va “Dune: Ikkinchi qism”dagi Feyd-Rauta obrazlari orqali murakkab va yovuz xarakterlarni muvaffaqiyatli ijro etgan.
Bu esa uni Volan-de-Mort roliga jiddiy raqobatchiga aylantirmoqda. Hozircha rasmiy ma’lumotlar bo‘lmasa-da, ushbu uch aktyorning nomlari muxlislar orasida eng ko‘p tilga olinmoqda.
