Tom Xolland disleksiya va giperaktivlik haqida gapirdi

Marvel dunyosining mashhur aktyori Tom Xolland o‘ziga qo‘yilgan tashxislar haqida ochiq fikr bildirdi. Bu haqida Zamin.uz xabar berdi.

U diqqat yetishmovchiligi va giperaktivlik sindromi hamda disleksiya bilan yashayotganini aytdi. Aktyorning so‘zlariga ko‘ra, ba’zan oddiy bo‘sh qog‘oz unga qo‘rqinchli tuyuladi va obraz ustida ishlash har doim ham oson kechmaydi.

Shunga qaramay, u bunday qiyinchiliklar uning kasbiy faoliyatiga xalaqit bermasligini ta’kidladi. Tom Xolland yosh yoki katta bo‘lishidan qat’iy nazar, ijodiy fikrlash, izlanish va yangilik yaratishga undaydigan har qanday omil ijobiy natija beradi, deb hisoblaydi.

U fikricha, bunday jarayonlar qancha ko‘p bo‘lsa, shuncha yaxshiroq bo‘ladi. Aktyor disleksiya haqida ilk bor bolaligida xabardor bo‘lgan.

Uning aytishicha, disleksiya asosan imlo bilan bog‘liq muammolarni keltirib chiqaradi. Biroq ota-onasining doimiy qo‘llab-quvvatlashi tufayli u bu qiyinchiliklarni yengib o‘tishga muvaffaq bo‘lgan.

Tom Xollandning ochiqligi va jasorati ko‘plarga ilhom manbai bo‘lib xizmat qiladi.