Gollivudning mashhur aktrisasi Anjelina Joli yangi filmda o‘zining odatiy qora sochli ko‘rinishidan voz kechib, och sarg‘ish bob-kare soch turmagida namoyon bo‘ldi. Bu haqida Zamin.uz xabar berdi.
Film Londonda suratga olingan bo‘lib, shved yozuvchisi Fredrik Bakmanning «Тревожные люди» nomli romani asosida yaratilmoqda. Rejissyorlik vazifasini Mark Forster bajaradi, u «Vojna mirov Z» filmining rejissyori sifatida tanilgan.
Ssenariyni Devid Magi yozgan bo‘lib, u «Jizn Pi» filmida ham ishtirok etgan. Filmda Anjelina Joli investitsiya bankiri Zara rolini ijro etadi.
Aktrisaning yangi qiyofasi och sarg‘ish sochlar, bob-kare uslubi, oq nakidka va zarhal brosh bilan bezatilgan obrazdan iborat. Filmda shuningdek, Eymi Lu Vud va Jeyson Sigel ham rol o‘ynaydi.
Hikoya Rojdestvoga bir kun qolganda sodir bo‘ladi. Bankni talamoqchi bo‘lgan jinoyatchi tasodifan bir guruh odamlarni garovga oladi.
Voqealar davomida qahramonlar hayot va o‘lim ostonasida o‘z sirlarini ochib beradi. Anjelina Jolining yangi roli muxlislar orasida katta qiziqish uyg‘otmoqda.
Film nafaqat triller, balki inson qalbini ochib beruvchi dramatik asar sifatida taqdim etiladi. Ushbu yangi loyiha uning ijodiy faoliyatidagi muhim bosqichlardan biri hisoblanadi.
👍 0❤️ 0😂 0😢 0😡 0
