Soyuzmultfilm Chexovning Chayqa asarini anime qiladi
“Soyuzmultfilm” kinostudiyasi Dikidigital kompaniyasi bilan hamkorlikda Anton Chexovning mashhur “Chayqa” asari asosida to‘liq metrajli anime film tayyorlamoqda. Bu haqda Zamin.uz xabar berdi.
Bu haqda studiyaning bosh prodyuseri Yuliya Osetinskaya “Interfaks” axborot agentligiga ma’lum qildi. Uning so‘zlariga ko‘ra, Aleksandrinskiy teatr sahnasida birinchi marta namoyish etilgan spektakldan deyarli 130 yil o‘tib, buyuk rus dramasi yangi formatda qayta jonlanadi.
Ijodkorlar Chexovning asarining mazmuni va yaxlitligini saqlab qolishga intilish bilan birga, uni zamonaviy yosh tomoshabinlarga mos shaklda taqdim etishni maqsad qilmoqda. Hozirda film ishlab chiqarish jarayoni davom etmoqda.
Ushbu loyiha klassik asarni yangi ko‘rinishda tomoshabinlar e’tiboriga havola etishga xizmat qiladi. Manba: Pravilamag
