D4vd mashinasidan Selest jasadi topildi
Los-Anjeles shahrida 20 yoshli qo‘shiqchi D4vd (haqiqiy ismi Devid Burk) avtomashinasidan o‘tgan yili bedarak yo‘qolgan 15 yoshli Selest Ernandesning jasadi topildi. Bu haqda Zamin.uz xabar berdi.
Bu haqda NBC News xabar berdi. Ma’lumotlarga ko‘ra, 8 sentyabr kuni politsiya D4vdning avtomashinasidan kelgan yoqimsiz hid tufayli evakuator chaqirgan.
Tekshiruv vaqtida marhum qoldiqlari aniqlangan. Sud-tibbiy ekspertiza natijalariga ko‘ra, jasad Selest Ernandesga tegishli ekanligi tasdiqlandi.
Hozircha o‘lim sababi aniqlanmagan, ammo huquq-tartibot organlari voqeani qotillik sifatida tergov qilmoqda. Qo‘shiqchi vakili ma’lum qilishicha, D4vd voqeadan xabardor bo‘lib, rasmiylar bilan hamkorlik qilmoqda.
Jasad topilgan paytda u gastrol safarida bo‘lgan. Selest Ernandes 2024 yil aprelidan beri yo‘qolgan edi.
O‘sha vaqtda u 14 yoshda, D4vd esa 19 yoshda bo‘lgan. Daily Mail nashrining yozishicha, ular o‘sha paytda ishqiy munosabatda bo‘lgan va qizning oilasi bu munosabatni tasdiqlagan.
Nashr shuningdek, ularning ijtimoiy tarmoqlardagi qo‘shma suratlari va barmog‘idagi “Shh…” yozuvi bilan tatuirovkalarni munosabatlari isboti sifatida keltirgan. Hozirgi vaqtda tergov davom etmoqda va voqea tafsilotlari aniqlanmoqda.
